صباح الشوق من بدري :$

صباح الإيش ..
صباح الشوق والا صباح الخير ..؟

صباح العالم الصاحي وريحة القهوة المرة ..

صباح اللي ملاهـ الشوق
ولا يدري .. يزيد الشوق والا ينطفي بدري ..

صباح اللي يفيض احساس من داخل
يبي يعبر ولاقادر .. يبي يكتب ويخونة الحرف ..
ويظل احساس جواتهـ .. يبي يطلع ومو قادر ..

صباح اللي صحى في الليل متأخر ..
صحاه الشوق قبل الشمس لا تشرق
وجفاهـ النوم ..

صباحي إيــش من بدري ..؟!
لا تسأل ولا تستفسر..

صباحي مختلط بإحساس .. مشاعر من كل بحر قطرة ..
عجزت أحدد الإحساس..
مشاعر من فرح مقتول .. ومشاعر شوق ما نامت لها فتره ..
مزيج إحساس على إحساس ..
تكّـون في صباح اليوم

صباح الشوق من بـدري .. :$